9-cu sinif şagirdlərinin buraxılış imtahanının riyaziyyat fənni üzrə ən yüksək nəticə göstərən məktəblərin siyahısı açıqlanıb.
“Tehsil365” xəbər verir ki, bu barədə 2025-ci ilə aid tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı “Abituriyent” jurnalının 12-ci nömrəsində məlumat verilib.
Orta bal göstəricisinə əsasən, ilk yeri Sumqayıt şəhəri Təbiət elmləri təmayüllü gimnaziyası tutub. Təhsil müəssisəsində imtahanda iştirak edən 100 şagirdin orta bal göstəricisi 94,68 faiz olub.
İkinci yerdə Fizika, riyaziyyat və informatika təmayüllü lisey qərarlaşıb. Lisey üzrə 118 şagirdin orta balı 94,46 faiz təşkil edib.
Üçüncü sırada isə BDU-nun nəzdində fəaliyyət göstərən Bakı Türk liseyi yer alıb. Burada imtahanda iştirak edən 210 şagirdin orta bal göstəricisi 90,09 faiz olub.
Naxçıvan şəhəri Naxçıvan Dövlət Universitetinin nəzdində Gimnaziyada 61şagirdin orta balı 89,95 faiz təşkil edib.
Gəncə şəhər Fizika, riyaziyyat və informatika təmayüllü liseyində 69 şagirdin orta bal göstəricisi 89,50 faiz olub.
Kimya-biologiya təmayüllü liseydə 136 şagirdin orta balı 85,79 faiz təşkil edib.
Akademik Zərifə Əliyeva adına liseydə 216şagirdin orta bal göstəricisi 84,46 faiz olub.
BDU-nun nəzdində “Gənc istedadlar” liseyində 66 şagirdin orta balı 82,16 faiz təşkil edib.
Şəki şəhər Kimya-biologiya təmayüllü Respublika liseyində 70 şagirdin orta bal göstəricisi 80,66 faiz olub.
Sumqayıt şəhəri Texniki və təbiət elmləri liseyində 108 şagirdin orta balı 80,44 faiz təşkil edib.
Bakı şəhəri 291 nömrəli Ekologiya liseyində 76şagirdin orta bal göstəricisi 77,78 faiz olub.
Humanitar fənlər gimnaziyasında 114 şagirdin orta balı 76,44 faiz təşkil edib.
Şirvan şəhər Kimya-biologiya təmayüllü liseyində 67 şagirdin orta bal göstəricisi 76,20 faiz olub.
Bakı şəhəri Humanitar fənlər təmayüllü məktəb-liseydə 65 şagirdin orta balı 75,75 faiz təşkil edib.
Fizika, riyaziyyat və informatika təmayüllü Respublika liseyinin Quba rayonundakı siniflərində 67 şagirdin orta bal göstəricisi 75,57 faiz olub.
S.Bəhlulzadə adına Xarici dillər təmayüllü gimnaziyada 129 şagirdin orta balı 74,84 faiz təşkil edib.
Sumqayıt şəhəri “İstedad” liseyində 64 şagirdin orta bal göstəricisi 73,37 faiz olub.
Balakən rayonu Texniki Humanitar təmayüllü liseyində 52 şagirdin orta balı 72,84 faiz təşkil edib.
Şəmkir şəhər Kimya-biologiya təmayüllü liseyində 96 şagirdin orta bal göstəricisi 71,29 faiz olub.
Bakı Avropa liseyində 132 şagirdin orta balı 71,03 faiz təşkil edib.