ABŞ-li alimlər süni intellektdən istifadə etməklə laboratoriyada çoxala bilən tam funksional viruslar hazırlayıblar. Bununla da tarixdə ilk dəfə tam genomlar süni intellekt tərəfindən layihələndirilib.
“Tehsil365” xəbər verir ki, laboratoriyada yaradılan 16 yeni virus yalnız bakteriyaları yoluxdurmaq üçün hazırlanıb və insan sağlamlığı üçün təhlükə yaratmır.
Tədqiqatçılar bildiriblər ki, süni intellekt virusların, bakteriyaların və digər canlıların genetik məlumatları əsasında öyrədilib. Hazırlanan yüzlərlə variant laboratoriyada sınaqdan keçirilib və onlardan 16-sının E. coli bakteriyasını məhv etməkdə effektiv olduğu müəyyən edilib.
Alimlərin fikrincə, bu texnologiya gələcəkdə antibiotiklərə davamlı infeksiyaların müalicəsi üçün yeni üsulların hazırlanmasına kömək edə bilər.
Bununla yanaşı, mütəxəssislər süni intellekt vasitəsilə virusların hazırlanmasının biotəhlükəsizlik baxımından yeni risklər yaratdığını da vurğulayırlar. Onlar hesab edirlər ki, bu cür texnologiyaların yalnız ciddi təhlükəsizlik qaydaları çərçivəsində inkişaf etdirilməsi vacibdir.
Araşdırma müəllifləri qeyd ediblər ki, riskləri minimuma endirmək məqsədilə tədqiqat yalnız insanları deyil, bakteriyaları yoluxduran viruslar üzərində və təhlükəsiz laboratoriya şəraitində aparılıb.