Kamandan oxatma üzrə Azərbaycan çempionatı və kubokunun qalibləri mükafatlandırılıb.
“Tehsil365” xəbər verir ki, Binə Atçılıq Mərkəzində təşkil edilən mərasimdə qalib idmançılara medallar təqdim olunub.
Mükafatları Azərbaycan Kamandan Oxatma Federasiyasının (AKOF) baş katibi Fərid Xəlilov , Gənclər və İdman Nazirliyinin idman şöbəsinin sektor müdiri Aydın Məmmədov və digər şəxslər təqdim ediblər.
Böyüklər arasında qızların mübarizəsində Fatimə Hüseynli qızıl medal qazanıb, oğlanların yarışında isə Nurlan Rəhimli birinci olub.
U-15 kateqoriyasında Selcan Məmmədli və Məhəmməd İsmayılov qızıl medallara sahib çıxıblar.
U-18 kateqoriyasında Sümeyyə Bədəlli ilə Sərdar Vəliyev fəxri kürsünün ən yüksək pilləsinə qalxıblar.