“İndi oxucu kitab və maraqlı kontentlər arasında mübarizə aparır.”
Bu fikirləri Rövşən Abdullaoğlu “Tehsil365”ə açıqlamasında bildirib.
“Gənclərin kitab oxuma vərdişləri barədə nə demək olar? Günümüzdə bəzən belə düşünürlər ki, müasir gənclərin kitaba marağı yoxdur və artıq kitab vərdişlərini tamamilə itirib. Bu cür demək tamamilə yanlışdır. Ona görə ki, sahədə fəaliyyət göstərən bir insan kimi deyə bilərəm ki, 2010-cu ildən bu sahədə fəaliyyət göstərirəm, 16 il ərzində ölkəmizdə həm oxucu sayı artıb həm də keyfiyyət olaraq biz artımı müşahidə edirik. Oxu vərdişi olan böyük bir kütlə var və ildən-ilədə bu say getdikcə artmaqdadır. Sadecə olaraq müasir nəsil keçmiş nəsildən fərqli olaraq maraq dairələri daha da genişlənib əvvəlki nəsilin maraq dairəsi məhdud idisə, indi oxucuların, cəmiyyətin maraq dairəsi daha da genişlənib. Qısa videolar, sosial media, internet həyatımızın ayrılmaz bir hissəsinə çevrilib və indi oxucu kitab və maraqlı kontentlər arasında mübarizə aparır və yazıçıların, naşirlərində hədəflərindən biri də budur ki, onları günümüzün diqqət çəkən vasitələrindən ayırıb kitaba yönəltmək. Ona görə də indiki gəncliyin kitaba köklənməsi daha çətindir və eyni zamanda diqqəti cəmləməklə bağlıda mübarizə aparır.
Rövşən Abdullaoğlu bildirib ki, “Bir tərəfdən də müasir gənclər arasında mən onların keyfiyyətli mətnlərə olan marağını da müşahidə edirəm. Buda artmaq üzərədir. Özünü inkişaf, fəlsəfi mövzulara, psixoloji mövzulara maraq getdikcə artmaqdadır və əvvəllər ola bilsin ki, bu qədər maraq yox idisə, günümüzün insanı daha çox özü ilə bağlı mövzuları araşdırmağa səy göstərir və bu mövzuda yazılmış kitablar da istər bədii ədəbiyyat olsun, qeyri-bədii ədəbiyyat olsun oxucuların ciddi şəkildə diqqətindədir. İndiki oxucular daha tənqididir, indiki oxucuları rahatlıqla məmnun etmək olmur, hər cür əsəri yaz və düşün ki, oxucu bunu qəbul edəcək, elə deyil.”
Günümüzün oxucusu, xüsusən də Azərbaycan oxucusu çox tənqidlə yanaşır. Bu da səbəb olur ki, yazıçıda daha dəqiq yazsın, daha öz üzərində işləsin, daha həssas olsun və oxucuların keyfiyyətinin artması yazıçıların keyfiyyətini artırır. Bu da rəqabəti çətinləşdirir. Ona görə ki, sən oxucunu cəlb etmək üçün və cəmiyyətdə oxu vərdişini yaratmaq üçün yazıçı və naşirlər daha güclü əsərlər yazmalı, daha gözəl əsərləri çap etməlidir.
Onun sözlərinə görə, önəmli olan məqamlardan biri də budur ki, bəzən biz gənclərə kitab oxumağı bir məcburiyyət kimi təqdim edirik və bu onları qaçırdır. İnsanlar anlamalıdılar ki, kitabın onların həyatında nə kimi rolu var, həyatlarının ayrılmaz bir hissəsidir, mütaliənin onlara faydasını dərk etməlidilər. Əgər bunu dərk etsələr kitab mütaliəsi bir vərdişə çevriləcək, sevgilə dolu bir prosesə çevriləcək, məcburiyyətə çevrilməyəcək. Bizim ən böyük səhvlərimizdən biri də məhz budur. Biz mütaliəni məcburiyyət kimi təqdim edirik, bir icbar kimi təqdim edirik. Ona görə də oxucular bu cür məcburiyyət altında, bir vəzifə kimi özlərini oxuya məcbur edə bilmirlər. Biz oxunun faydasını insanlara aşılamalıyıq, mütaliənin insanların həyatında olan rolunu, onların psixoloji sağlamlığında təsirini bu cür məqamları onlara başa salmalıyıq.
Birdə oxu vərdişi ailədən gələn bir şeydir. Ən asan forması ailə və məktəbdir. Ailədə və məktəbdə mütaliəni biz gənclərə, övladlarımıza sevdirməyi bacarsaq həyatın növbəti ilində bu artıq rutin bir hissəsinə çevriləcək və onları məcbur etmək olamayacaq. Mütaliə onların içindən gələcək.”