Bizi 9 ay çox çətin bir dövr gözləyir.
Bu fikirləri “Tehsil365” ə açıqlamasında nəqliyyat eksperti Raqif Raufoğlu deyib.
Ekspert bildirib ki, yəni metrolar avqustun 15-dən bağlansa da, sentyabrın 15-dən məhz mövsüm bitənə qədər, təxmini 11 ay yəni gələn ilin yayına kimi. Buna görə də tələbələr indidən çox ciddi şəkildən marşrutlarını bilməli və müəyyən etməlidirlər. Əsas məsələ ekspres avtobuslar hansı ki, 6 ünvandan açılacaq, ümid edirik ki, daha əlavə yerlərdə də bu hal nəzərə alınacaq. Yəni hər bir halda biz başa düşməliyik ki, heç cür avtobus metronu əvəz edə bilməz. Yəni onu əvəz edəcək deyə bir şey yoxdu. Sadəcə müəyyən qədər bu yükü azaltmağa çalışacaqlar.
“Müəyyən qədər tələbələrdən yəqin ki, mikromobilliyə üstünlük verənlər olacaq. Yəni düşünəcəklər ki, həmin istiqamətdə skuter, velosipedlə getmək istəyə bilərlər. Həmçinin qarşıdan çətin bir mövsüm gəlir. Payız, qış yağış və s. kimi hallar var. Buna görə də əvvəlcədən bunu mümkün qədər nəzərə almalıdırlar. Ekspreslərlə nə qədər gedə biləcəklərsə əvvəlcədən bilsələr, məsələn Gənclikdən Elmlərə daha yaxşı olar”.
Onun sözlərinə görə, AYNA qeyd edib ki, biz Elmlərə və tələbələrin daha çox getdiyi istiqamətlərə üstünlük verəcəyik. Ancaq gərək tələbələr də nə olduğunu bilib ona uyğun davransınlar. Ola bilər ki, indidən kimsə kirayə ev götürür, bunu nəzərə alsın və daha yaxın yerlərə üstünlük versin. Yəni burada hər kəs əlindən gələni etməlidir ki, onun üçün bu mövsüm rahat keçsin.
“Amma əlbəttə raha olmayacaq. Üstəlik burada yer üstü nəqliyyatların əlavə olunması nəticəsində Bakıda olan tıxacı nəzərə alsaq, əlavə alternativlər axtarılacaq. Kifayət qədər çətin olacaq”-deyə Raqif Raufoğlu qeyd edib.