Stanford Universitetinin alimləri yaşlanma zamanı qandan olan immun hüceyrələrinin beyinə daxil olduğunu müəyyən ediblər.
“Tehsil365” azedu.az-a istinadən xəbər verir ki, bu nəticə beynin immun sisteminin uzun müddət düşünüldüyü kimi tamamilə qapalı və orqanizmin digər hissələrindən ayrı olmadığını göstərir.
Tədqiqatçılar müəyyən ediblər ki, bu hüceyrələrin bir hissəsi beyinə daxil olduqdan sonra mikroqliya adlanan, beynin immun müdafiəsində iştirak edən hüceyrələrə çevrilir. Proses xüsusilə orta yaşdan etibarən nəzərə çarpır.
Alimlər hesab edirlər ki, kəşf beynin qocalması, iltihab prosesləri və Alzheimer kimi neyrodegenerativ xəstəliklərin necə inkişaf etdiyini daha yaxşı anlamağa kömək edə bilər. Gələcəkdə qandan gələn bu hüceyrələrdən beyin xəstəliklərinin müalicəsində istifadə edilməsi də mümkün ola bilər.