“Valideynin öz arzularını uşağlara yükləməsi sadəcə təhsil seçimində narazılıq yaratmır”.
Bu sözləri “Tehsil365” ə açıqlamasında psixoloq Aygül Məlikova deyib.
Psixoloq bildirib ki, o cümlədən psixoloji təsirləri də ola bilir. Əsas risklər isə özünü dəyərsiz hiss etməsi, mənim seçimim önəmli deyil düşüncəsi formalaşa bilir, özünə inamın azalması yarana bilər ki, uşaq öz qərarlarını verməkdə çətinlik çəkə bilir. Narahatlıq və stress yarada bilir ki, valideynin gözləntilərini doğrultmaq qorxusu akademik stress yarada bilir.
“Motivasiya itkisi olur ki, sevmədiyi ixtisasa yönələn uşaq təhsilə qarşı marağını itirə bilir və düşünür ki, bu mənim seçimim deyilsə bunu istəmirəm və buna görə də daha fərqli qərarlar verə bilir. Perfeksionizm ola bilər ki, yalnız uğurlu olsam valideynim məndən razı qalacaq düşüncəsi yaranır. Bu da onun yetərsizlik duyğusunu formalaşdırır. Günahkarlıq duyğusu, öz arzusunu seçdikdə valideynini məyus etdiyini düşünə bilər”.
Onun sözlərinə görə, passivlik və qərar vermədə çətinlik ola bilər ki, daim onun əvəzinə qərar verdikdə gələcəkdə seçim etməkdə çətinlik çəkə bilər. Valideyn və uşaq arasında konflikt yaranır. Uşaq valideynə qarşı aqressiya formalaşdırır özündə ki, yeniyetməlik dövründə üsyan, uzaqlaşma və emosional gərginlik arta bilir. Yanlış peşə seçimi və tükənmə, valideynin arzusuna uyğun seçilən ixtisas sonradan, peşə narazılığı və emosional tükənmə ilə nəticələnə bilər.
“Ən vacib məqam isə budur ki, valideyn öz yaşaya bilmədiyi arzuları uşağının həyata keçirməsini istəyir və bu vasitə ilə reallaşdırmağa çalışır. Uşağın bacarığı, marağı və xarakteri, öz istəyi nəzərə alınmır. Uşağın gələcəyini onun üçün seçmək asandı, amma onun seçdiyi həyatı yaşamaq məcburiyyətində qalan yenə uşağın özü alır”-deyə Aygül Məlikova qeyd edib.