Böyük Britaniya Hökumətinin nüfuzlu beynəlxalq təqaüd proqramlarından biri olan Chevening Scholarships 2027–2028 üzrə müraciət qəbulu davam edir.
“Tehsil365” xəbər verir ki, Chevening Təqaüd Proqramı Azərbaycandan olan perspektivli və liderlik potensialına malik namizədlərə Böyük Britaniyada 1 illik magistratura təhsili almaq imkanı təqdim edir.
Təqaüd proqramı çərçivəsində aşağıdakı xərclər qarşılanır:
təhsil haqqı;
viza xərcləri;
aylıq yaşayış müavinəti;
gəliş və geri dönüş üçün nəzərdə tutulan ödənişlər;
müəyyən əlavə səfər və sağlamlıqla bağlı xərclər.
Əsas müraciət tələbləri:
Chevening proqramına uyğun ölkə və ya ərazinin vətəndaşı olmaq;
təqaüd müddəti başa çatdıqdan sonra ən azı 2 il öz ölkəsinə qayıtmaq öhdəliyi götürmək;
müraciət üçün son tarixdən ən azı 2 il əvvəl bakalavr təhsilini başa vurmuş olmaq;
məzuniyyətdən sonra ən azı 2 800 saat iş təcrübəsinə malik olmaq;
Böyük Britaniya universitetlərində Chevening tələblərinə uyğun 3 fərqli magistr proqramını seçmək və həmin proqramlara müraciət etmək;
müəyyən edilmiş son tarixədək seçilmiş proqramlardan ən azı birindən şərtsiz qəbul təklifi əldə etmək.
Namizədlər magistr proqramlarını öz akademik və peşəkar istiqamətlərinə uyğun olaraq seçirlər. Seçilən proqramlar Böyük Britaniyada keçirilən, əyani, payız semestrində başlayan və magistr dərəcəsi ilə nəticələnən tədris yönümlü (taught master’s) proqramlar olmalıdır.
Son müraciət tarixi: 6 oktyabr 2026-cı il
Saat: 15:00, Bakı vaxtı ilə