Bakı Dövlət Universitetinin (BDU) 5 mərtəbəli, 220 yerlik “Tələbə evi” 2021-ci ildə istifadəyə verilib, həm əcnəbi, həm də yerli tələbələr üçün nəzərdə tutulub.
“Tehsil365” xəbər verir ki, ən müasir standartlara cavab verən “Tələbə evi”ndə otaqlar mebel, məişət avadanlığı, istilik sistemi ilə təmin edilib. Burada ədəbiyyat və əyani vəsaitlərlə təchiz edilmiş kitabxana – oxu zalı, iclas otağı, asudə vaxt otağı, mətbəx, camaşırxana, idman sahəsi, tibb məntəqəsi fəaliyyət göstərir. Yeməkxana bütün zəruri avadanlıqla təchiz edilib. Otaqlar yüksəksürətli internet şəbəkəsi ilə təchiz olunub.
Yataqxana ərazisində təhlükəsizliyə kameralarla müntəzəm nəzarət edilir.