Niderland ərazisindəki A28 avtomagistralında məktəb avtobusu və mikroavtobusun toqquşması nəticəsində ən azı səkkiz nəfər müxtəlif dərəcəli bədən xəsarətləri alıb.
“Tehsil365” xəbər verir ki, bu barədə NOS teleradio korporasiyası məlumat yayıb.
Məlumata görə, yol-nəqliyyat hadisəsi gecə saatlarında Gelderland əyalətinin Vezep şəhəri yaxınlığında qeydə alınıb. Sərnişin avtobusunda əksəriyyəti alman məktəblilərdən ibarət 50-dən çox şəxs olub. Zərbənin təsirindən avtobus böyrü üstə aşıb, mikroavtobus isə iki yerə bölünüb.
Polisdən verilən məlumata əsasən, xəsarət alanlardan bəzilərinin vəziyyəti ağırdır. Sərnişinlər nəqliyyat vasitəsinin damından çıxarılaraq təxliyə ediliblər. A28 şosesində nəqliyyatın hərəkəti hər iki istiqamətdə axşam saatlarına qədər dayandırılıb. Hazırda qəzanın başvermə səbəbləri araşdırılır.