Ötən tədris ilində 2School (Məktəbli avtobusları layihəsi) xidmətindən 2 000-ə yaxın məktəbli istifadə edib.
Bu barədə “Tehsil365*ə sorğusun cavab olaraq xidmət təşkilatçısından məlumat verilib.
Qeyd olunub ki, məktəbli avtobusları layihəsinin yeni tədris ili üçün xidmət əhatəsinin genişləndirilməsi istiqamətində işlər aparılır:
"Ötən tədris ilində 2School xidmətindən 2 000-ə yaxın məktəbli istifadə edib. Yeni tədris ilində isə xidmət əhatəsinin genişləndirilməsi və ötən illə müqayisədə daha çox məktəbliyə xidmət göstərilməsi nəzərdə tutulur. Eyni zamanda, ötən ilin təcrübəsi və valideynlərdən daxil olan rəylər əsasında xidmət modeli və əməliyyat prosesləri təkmilləşdirilib".
Qeyd edilib ki, hazırda 2School-un xidmət əhatəsinin genişləndirilməsi istiqamətində bir sıra dövlət və özəl məktəblərlə iş aparılır:
"Dövlət məktəbləri sırasında 6, 7, 8, 20, 23, 27, 132, 134, 164, 189 və 190 nömrəli məktəblər, həmçinin Elitar Gimnaziya yer alır. Özəl məktəblər arasında isə Landau School, Yaşam Məktəbi, SABAH.school, İstanbul məktəbi, British School in Baku, Kanada məktəbi, Buckswood School və Simurq məktəbi var. Bəzi məktəblərin bir neçə korpusu xidmət əhatəsinə daxildir. Dövlət məktəbləri ilə danışıqlar və yeni tədris ili üçün müraciətlərin qəbulu davam edir".