“Bu mövzu çox aktual mövzudur. Ümumiyyətlə, valideynlər bilməlidirlər ki, əvvəla, bu mövzuda səhvi ən başda edirlər”.
Bu sözləri “Tehsil365”ə açıqlamasında psixoloq Fəridə Musəvi bildirib.
Psixoloq bildirib ki, uşaqlarda telefon asılılığının yaranmasında valideynlərin davranışı mühüm rol oynayır.
“Uşaq evdə göz açdıqca valideynin telefondan və ya planşetdən asılılığını görüb o da o istiqamətdə millənərək böyüyür. Nəticədə uşaq telefon asılısı olur. Uşaqlar valideynin əlində telefon gördükcə o telefona meyillənir və orda da artıq telefona bağlılıq yaranır. Bunun nəticəsində uşaq dərk etdikcə telefonda müxtəlif maraqları, oyunları kəşf edir və onun asılısına çevrilir”.
Onun sözlərinə görə, valideynlər uşaqların telefon və planşetdən istifadəsinə nəzarət etməlidir.
“Ümumiyyətlə, telefondan uşağı ayıranda aqressivlik yaranmır. Aqressivlik uşağın telefonda tapıb aludəsi olduğu məşğuliyyətlərdən yaranır. Orada uşaq oynuyan nə qədər gərginlik yaradacaq oyunlar ki var, məhz aqressivlik də ordan yaranır. Biz telefonla uşaq arasına məsafəni qoyduqda aqressivlik özünü büruzə verir və üzə çıxır. Bunun üçün valideynlər, əvvəla, çalışmalıdırlar ki, uşaqlarının gözünün qarşısında uşaqlar göz açarkən telefon əllərində çox məşğul olmasınlar. İşi, evi və boş asudə vaxtlarının məşğuliyyətlərini uşaqlarla keçirdiyi zamana çox qatmasınlar. Sadəcə olaraq telefon və planşetdən istifadə qaydasını uşaqlarına düzgün öyrətsinlər ki, uşaqlar da onun bütün həyatımızı deyil, sadəcə olaraq müəyyən vaxtlarımızı o telefonla keçirməli olduğumuzu anlasınlar və dərk etsinlər. Əgər dərk etsələr, onu təmin etmək rahat olacaq”.
Ekspert vurğulayıb ki, valideynlər səbirli davranmalı və övladlarının xarakterini yaxşı tanımalıdırlar.
“Ümumiyyətlə, valideynlərin sağlam təfəkkürlü, normal düşüncəli uşaq böyütmələrinin ən əsas səbəbi səbrli olmaq və səbrlə davranmaqdır ki, bu sözü gedən mövzuda da çox əhəmiyyətli məsələdir. Hər bir valideyn öz övladını mütləq tanımalıdır. Onun xarakterini bilməlidir ki, hansı istiqamətdə övladıma doğru hərəkət etsəm, bu hərəkət mənə yaxşı nəticə verəcək”.