Avstraliyada 10 yaşlı uşağın 2020-ci ildə Deal adasında tapdığı hörümçəyin yeni növ olduğu müəyyənləşdirilib.
“Tehsil365” azedu.az-a istinadən xəbər verir ki, Murphy Widdowson adlı uşaq adada tapdığı kiçik hörümçəyin hansı növə aid olduğunu öyrənmək üçün nümunəni alimlərə göndərib. Mütəxəssislərin apardığı araşdırmalar nəticəsində canlının əvvəllər elmə məlum olmayan canavar hörümçəyi növü olduğu təsdiqlənib.
Yeni növə uşağın şərəfinə Artoriopsis murphyi adı verilib.Alimlər bu kəşfin Avstraliyada canlı müxtəlifliyinin hələ tam öyrənilmədiyini göstərdiyini bildirirlər.
Hadisə həmçinin uşaqların təbiətə marağının və müşahidə qabiliyyətinin elmi araşdırmalara töhfə verə biləcəyini göstərir.