Son zamanlarda kitabların uşaqlar tərəfindən istifadəsinin azalmasının səbəbi, ekran məzmunlarının sürətli və ani məmnunluq təqdim etməsidir.
Araşdırmalara əsasən, uşaqların rəqəmsal formatda oxuması davam etsə də, çap kitablarına maraq müəyyən qədər azalıb. Buna görə ekranı tamamilə qadağan etməkdənsə, onun istifadəsinə düzgün sərhədlər qoymaq və uşağa kitab seçmək imkanı yaratmaq daha effektvdir.
Valideynlərin özlərinin uşaqlarının yanında oxuması, gündəlik qısa ailəvi oxu vaxtının yaradılması və uşağın maraq dairəsinə uyğun kitabların seçilməsi oxuma vərdişini gücləndirə bilər. Əsas məqsəd uşaqları “əvvəlki kimi” oxumağa məcbur etmək deyil, kitabı onların həyatında yenidən maraqlı, əyləncəli və zövqlü fəaliyyətə çevirməkdir.
Qarabağ universitetinin tələbəsi
Nilay Hüseynli