UNEC tələbələri BMT-nin Dayanıqlı İnkişaf Məqsədləri (SDGS) çərçivəsində həyata keçirilən beynəlxalq Future17 proqramının 9-cu sessiyasında iştirak edərək proqramı uğurla başa vurublar.
“Tehsil365” xəbər verir ki, QS reytinq şirkəti və Böyük Britaniyanın Exeter Universitetinin birgə təşkil etdiyi proqramda müxtəlif ölkələrin ali təhsil müəssisələrindən tələbələr iştirak ediblər. UNEC proqramda tərəfdaş universitet kimi təmsil olunub və universitetdən 23 tələbə iştirak edib.
2026-cı ilin fevral ayından davam edən proqram çərçivəsində UNEC tələbələri beynəlxalq komandaların tərkibində BMT-nin Dayanıqlı İnkişaf Məqsədlərinə uyğun layihələr üzərində çalışıblar. İştirakçılar layihələrin hazırlanması, komanda işi və real problemlərə innovativ həllərin hazırlanması istiqamətində təcrübə qazanıblar.
Proqramda UNEC-dən 7 mentor – Fəridə Babayeva, Asya Quliyeva, Fidan Nağıyeva, Fidan Əsgərova, Könül Bayramova, Günay Pənahova və Zeynəb Qiyasova tələbə komandalarına metodiki və praktiki dəstək göstəriblər.
Sessiyanın yekununda UNEC-in 23 tələbəsi və 7 mentoru QS tərəfindən təqdim olunan rəsmi Future17 sertifikatlarını qazanıblar.