Avqust ayı ərzində Bakı Şəhəri üzrə Təhsil İdarəsinə (BŞTİ) ümumilikdə 18 971 müraciət daxil olub.
Müraciətlərin əksəriyyəti cavablandırılıb və operativ şəkildə həll olunub.
“Tehsil365” İnformasiya Agentliyi BŞTİ-yə vətəndaş müraciətlərinin avqust ayı üzrə statistikası ilə bağlı sorğu ünvanlayıb.
BŞTİ-dən sorğuya cavab olaraq “Tehsil365”ə bildirilib ki,
“Aylıq vətəndaş müraciətləri haqqında statistika hər ay verilir. BŞTİ-nin saytında yerləşdirilir və bütün media nümayəndələri həmin məlumatlardan istifadə edərək xəbər hazırlaya bilərlər.”
Təqdim olunan statistikaya əsasən, avqust ayında BŞTİ-nin 146-1 nömrəli Çağrı Mərkəzinə 10 312 zəng daxil olub. Vətəndaşların Qəbulu Mərkəzinə isə 4 657 müraciət daxil olub.
Hesabat dövründə BŞTİ-yə ümumilikdə 3 555 sənəd daxil olub və qeydiyyata alınıb. Onlardan 1 790-ı vətəndaşlar tərəfindən təqdim edilən ərizə, 651-i Elm və Təhsil Nazirliyindən, 280-i digər qurumlardan, 349-u tabelikdə olan təhsil müəssisələrindən daxil olan məktub, 485-i isə kadr ərizəsi olub.
Bundan əlavə, avqust ayı ərzində 447 elektron müraciətə baxılıb.
BŞTİ-nin təqdim etdiyi məlumata görə, daxil olan müraciətlərin əksəriyyəti cavablandırılıb və operativ şəkildə həll olunub.
Aylıq vətəndaş müraciətləri ilə bağlı daha ətraflı statistik məlumatla Bakı Şəhəri üzrə Təhsil İdarəsinin rəsmi internet səhifəsində tanış olmaq mümkündür.