AMEA Arxeologiya və Antropologiya İnstitutunun İçərişəhərdə yerləşən Muzey-sərgi zalında gənclər üçün elmi-praktik yönümlü könüllülük proqramı həyata keçiriləcək.
“Tehsil365” xəbər verir ki,muzey işi və arxeoloji irsin təqdimatı sahəsində nəzəri və praktiki biliklər əldə etmək, tarixi və arxeoloji faktlarla işləmək bacarıqlarını inkişaf etdirmək, elmi və ictimai fəaliyyət istiqamətində təcrübə qazanmaq istəyən gəncləri könüllülük proqramında iştirak üçün müsabiqəyə dəvət edirik.
Müsabiqədə iştirak üçün əsas tələblər
1. İntizamlılıq, məsuliyyətlilik, ünsiyyət və kollektivdə işləmək bacarığı, təşəbbüskarlıq və xarici dil biliklərinəmalik namizədlərə üstünlük veriləcəkdir.
2. Tarix, tarix müəllimliyi, arxeologiya, antropologiya, muzeyşünaslıq, incəsənət, turizm və digər əlaqəli ixtisaslar üzrə təhsil alan namizədlərə üstünlük veriləcəkdir.
3. Proqrama seçim təqdim olunmuş CV və elektron müraciət forması əsasında aparılacaqdır. İlkin seçim mərhələsindən uğurla keçən namizədlər müsahibəyə dəvət olunacaqlar.
4. Seçilmiş iştirakçılar proqram çərçivəsində nəzəri təlimlərə və praktiki fəaliyyətlərə cəlb olunacaqlar.
Proqramın əsas istiqamətləri
Könüllülük proqramı çərçivəsində iştirakçılara:
• muzey işi və ekspozisiya fəaliyyəti;
• arxeoloji və tarixi irsin təqdimatı;
• tarixi və arxeoloji faktlarla işləmə prinsipləri;
• elmi-populyar təqdimat və kommunikasiya;
• muzey bələdçiliyi;
• arxeologiya və əlaqəli humanitar elmlər üzrə ümumi biliklər;
• elmi-praktiki fəaliyyət və komanda işi
istiqamətlərində nəzəri və praktiki biliklərin əldə edilməsiimkanı yaradılacaqdır.
Proqramın təlim və praktiki təcrübə mərhələləri ardıcıl şəkildə həyata keçiriləcəkdir.
Proqramın nəticələri və iştirakçılar üçün imkanlar
Proqramı uğurla başa vuran iştirakçılara AMEA Arxeologiya və Antropologiya İnstitutu adından sertifikat təqdimediləcəkdir.
Proqramın nəticələrinə əsasən fərqlənən və ən yüksək göstəricilər nümayiş etdirən iştirakçılar mükafatlandırılacaq və İnstitut rəhbərliyi adından diplomla təltif olunacaqlar.
Bununla yanaşı, proqramı uğurla başa vuran və elmi-ictimai fəaliyyətə maraq göstərən iştirakçılar üçün Muzey-sərgi zalı nəzdində fəaliyyət göstərən “Arxeoloji Dərnək”də elmi və ictimai fəaliyyətlərini davam etdirmək imkanı yaradılacaqdır.
Bu imkan könüllülük proqramının iştirakçılarına əldə etdikləri bilik və təcrübəni davamlı şəkildə inkişaf etdirmək, elmi vəmaarifləndirici layihələrdə iştirak etmək, arxeologiya və mədəni irs sahəsində fəaliyyət göstərən mütəxəssislərlə ünsiyyət qurmaqvə gələcək peşəkar inkişafları üçün yeni təcrübə qazanmaqimkanı verəcəkdir.
Müraciət
Müraciətlərin qəbulu üçün son tarix: 30 sentyabr 2026-cı il
Namizədlərdən CV-lərini hazırlamaları və aşağıdakı elektronmüraciət formasını doldurmaları xahiş olunur.
Əlaqə:
E-mail: museum@arxeologiya.az
Telefon: +994 12 510 84 19
Müraciət forması:
https://forms.gle/c8XQBtZhTsuCbbZX6
AMEA Arxeologiya və Antropologiya İnstitutu gəncləriAzərbaycan tarixinin və arxeoloji-mədəni irsinin öyrənilməsi, qorunması və təbliği istiqamətində həyata keçirilən bu təşəbbüsəqoşulmağa dəvət edir.