Xəzər Universitetinin Hasvet Baytarlıq Təbabəti fakültəsində baytarlıq cərrahiyyəsində istifadə olunan müasir “Dental rentgen” aparatı tətbiq edilir.
“Tehsil365” “Azərtac”a istinadən bildirir ki, Baytar həkim Hattap açıqlamasında bildirib ki, bu texnologiya Azərbaycanda ilk dəfə fakültədə tətbiq olunur. Onun sözlərinə görə, adi DR və CR aparatları ilə heyvanların dişlərinin düzgün görüntüsünü əldə etmək çətin olduğu halda, “Dental rentgen” sistemi vasitəsilə dişlərin müxtəlif bucaq və mövqelərdən daha dəqiq rentgen görüntülərini almaq mümkündür.
H.Soysal qeyd edib ki, fakültədə istifadə olunan cərrahi avadanlıqlar müasir texnologiyalara cavab verir. Bu avadanlıqlar həm baytar həkimlərin və klinikaların, həm də tələbələrin müasir texnologiyalarla tanış olmasına imkan yaradır.
Bildirilib ki, müasir avadanlıqlar tələbələrin praktiki bilik və bacarıqlarının inkişafında da mühüm rol oynayır. Fakültədə tələbələrin yalnız nəzəri biliklər deyil, müasir baytarlıq təbabətində tətbiq olunan texnologiyalar üzrə praktiki təcrübə əldə etmələrinə şərait yaradılır.
Baytar həkim əlavə edib ki, texnologiyaların inkişafı baytarlıqda diaqnostika və müalicə imkanlarını genişləndirir. Fakültənin əsas məqsədlərindən biri isə yeni texnologiyaları tələbələrin və baytar həkimlərin istifadəsinə təqdim etməkdir.