Azərbaycanda oktyabrın 5-nə gözlənilən hava proqnozu açıqlanıb.
“Tehsil365” “AZƏRTACA”a istinadən xəbər verir ki, Ekologiya və Təbii Sərvətlər Nazirliyinin Milli Hidrometeorologiya Xidmətindən bildirilib ki, sabah Bakıda və Abşeron yarımadasında hava dəyişkən buludlu, əsasən yağmursuz keçəcək. Axşam saatlarında bəzi yerlərdə yağış yağacağı ehtimal olunur.
Şimal-qərb küləyi gündüz cənub-şərq küləyi ilə əvəzlənəcək. Havanın temperaturu gecə 12-15, gündüz 18-22 dərəcə isti olacaq.
Atmosfer təzyiqi 770 millimetr civə sütunundan 766 millimetr civə sütununa enəcək, nisbi rütubət isə 60-70 faiz təşkil edəcək.
Rayonlarda da havanın əsasən yağmursuz keçəcəyi gözlənilir. Lakin Lənkəran-Astara bölgəsinin bəzi yerlərində arabir yağış yağacağı və şimşək çaxacağı proqnozlaşdırılır.
Gecə və səhər saatlarında bəzi yerlərdə duman müşahidə ediləcək. Şərq küləyi əsəcək. Havanın temperaturu gecə 9-14, gündüz 18-23 dərəcə isti olacaq. Dağlıq ərazilərdə gecə 2 dərəcə şaxtadan 3 dərəcəyədək isti, gündüz isə 5-10 dərəcə isti olacaq.