"Google" şirkəti oktyabrın 9-dan etibarən "Gemini Pro" süni intellekt modelini ödənişsiz istifadədən yığışdıracaq.
“Tehsil365”xəbər verir ki, bu barədə məlumat korporasiyanın məlumat mərkəzində yerləşdirilib.
Şirkətdən dəqiqləşdirilib ki, "AI Plus" abunəliyi olan istifadəçilər dəqiq müddət və şərtlər barədə e-poçt vasitəsilə məlumatlandırılacaqlar. Ödənişsiz hesaba malik olan istifadəçilər üçün isə "Gemini Flash-Lite" modelinə çıxış saxlanılacaq.
Xatırladaq ki, oktyabrın 1-də "Google" "Gemini 4 Argon" adlı yeni süni intellekt modelini təqdim edib. Yeni model proqram təminatının hazırlanması, hüquqi və maliyyə təhlili, eləcə də kibertəhlükəsizlik daxil olmaqla mürəkkəb, çoxmərhələli tapşırıqları yerinə yetirmək üçün nəzərdə tutulub.
"Google" artıq "Gemini 4 Argon" modelini daxili ehtiyacları üçün tətbiq etməyə başlayıb. Yeni model korporasiyanın data mərkəzlərində yaddaşın istifadəsini optimallaşdırmağa və əlavə avadanlıq almadan yüzlərlə terabayt sahəni azad etməyə kömək edib.