Mədəniyyət Nazirliyi və Berlindəki Azərbaycan Mədəniyyət Mərkəzinin təşkilatçılığı ilə Azərbaycan Berlində keçirilən beynəlxalq kitab sərgisində milli stendlə iştirak edir.
“Tehsil365”xəbər verir ki, stenddə ölkəmizin qədim tarixi və zəngin ədəbi irsini əks etdirən kitab nümunələri xüsusi dizaynla təqdim olunur.
Sərgidə Azərbaycanın yazar və nəşriyyat nümayəndələrindən ibarət geniş heyət iştirak edir. İlk gündən Azərbaycan stendi çoxsaylı yerli və xarici ziyarətçinin diqqət mərkəzində olub.
Eyni zamanda sərgi çərçivəsində bir sıra ölkələrin nəşriyyat nümayəndələri ilə Azərbaycan nəşriyyatları arasında müəllif hüquqları və əməkdaşlığa dair görüşlər keçirilib.
"Azərbaycan Mədəniyyəti – 2040" Konsepsiyasına uyğun olaraq, oktyabrın 9-da "Global səhnə" təqdimat zonasında "Azərbaycan ədəbiyyatı xaricdə" mövzusunda panel müzakirəsi keçiriləcək. Paneldə ədəbiyyatımızın xaricdə nəşri və tanıdılması müzakirə ediləcək. Daha sonra uşaq yazarları ilə imza saatı təşkil olunacaq.
Qeyd edək ki, builki sərginin fəxri qonaq ölkəsi Çex Respublikasıdır.