Azərbaycan Gənclər Fondunun dəstəyi ilə həyata keçirilən "Səyyar Gənclər Xidməti" layihəsi 5-9 oktyabrda Kürdəmirdə olub.
“Tehsil365”xəbər verir ki, Gənclərin İnkişaf və Karyera Mərkəzi və "Gənc Könüllülər" İB-nin birgə təşkilatçılığı ilə keçirilən layihə "Gənclərlə, gənclər üçün" devizi altında region gənclərini əhatə edib.
Layihənin açılışında Kürdəmir RİH başçısının müavini Ağali Kərimli və GİKM-in şöbə müdiri Aqil Quliyev iştirak ediblər.
5 günlük proqramda "Vətənpərvərlik", "Təhsil və karyera", "Rəqəmsal düşüncə", "Fiziki aktivlik və sağlamlıq", "Yaradıcı gənclik" və "Əyləncə" zonaları yaradılıb. Gənclər vörkşop, ustad dərsi və intellektual yarışlarda iştirak ediblər.
Qeyd edək ki, noyabradək 20 şəhər və rayonda 8 mindən çox gənci əhatə edəcək layihə artıq Şəki, Oğuz, Qəbələ, İsmayıllı, Ağsu, Şamaxı, Lənkəran və digər rayonlarda icra olunub.
