Oktyabrın 13-də ADU-da Prezident İlham Əliyevin Yeni Azərbaycan Partiyasının VIII Qurultayındakı çıxışına həsr olunmuş müşavirə keçirilib.
“Tehsil365” xəbər verir ki, Müşavirə Dövlət Himni ilə başlayıb, Ulu Öndər Heydər Əliyevin və şəhidlərin xatirəsi bir dəqiqəlik sükutla yad edilib.
Tədbiri giriş sözü ilə ərazi partiya təşkilatının sədri, rektorun müşaviri Coşqun Dadaşov açıb. O, dövlət başçısının çıxışının strateji əhəmiyyətindən danışıb.
YAP Nəsimi rayon təşkilatının sədri Azər Süleymanov qurultayın ərazi bütövlüyü bərpa olunduqdan sonra keçirilən ilk qurultay olduğunu və Prezidentin nitqinin qarşıdakı illər üçün yol xəritəsi olduğunu bildirib. O, ideoloji işin müasir formatda qurulması, sosial şəbəkələrdə fəallıq, gənclərlə iş, şəhid ailələri və qazilərə qayğı, "Böyük Qayıdış"a dəstək kimi vəzifələri diqqətə çatdırıb.
ADU-nun rektoru akademik Kamal Abdulla çıxışında ali məktəblərin gənclərin vətənpərvər ruhda yetişməsində rolunu vurğulayıb, ADU-nun 8 ölkədə fəaliyyət göstərən Azərbaycan Dili və Mədəniyyəti Mərkəzlərinin əhəmiyyətindən danışıb.
Müşavirədə HİK sədri Misgər Məmmədov, dekan İbrahim Kazımbəyli və tələbə Ayşən Nuriyeva da çıxış ediblər.
Tədbir YAP-ın Himni ilə başa çatıb.