Naxçıvan Dövlət Universitetinin "Elektronika və energetika mühəndisliyi" kafedrasının müəllimi Asim Abdullanın müəllifi olduğu "TwoEyes" layihəsi Tibb fakültəsinin tələbələrinə təqdim edilib.
“Tehsil365”xəbər verir ki,Görmə məhdudiyyətli şəxslərin müstəqil hərəkətini asanlaşdırmaq məqsədi daşıyan layihə müasir texnologiyalar əsasında hazırlanıb. Proqram istifadəçilərə ətraf mühitdə istiqamətlənmək, maneələr barədə məlumat almaq və zərurət yarandıqda operativ dəstək əldə etmək imkanı yaradır.
"TwoEyes" 24 saat fəaliyyət göstərən canlı operator dəstəyi, xüsusi naviqasiya sistemi və şəxsi assistent funksiyalarını birləşdirir. Səsli təlimatlar vasitəsilə istifadəçilərin daha təhlükəsiz hərəkəti hədəflənir.
Təqdimatda tibb və mühəndislik sahələri arasında əməkdaşlığın inklüziv texnoloji həllərdəki əhəmiyyəti vurğulanıb və multidissiplinar işçi qrupunun yaradıldığı bildirilib.