Çində tənha ahıllar ünsiyyət qurmaq üçün “birsaatlıq övlad” kirayələməyə başlayıblar.
“Tehsil365”xəbər verir ki, bu barədə "The Business Standard" məlumat yayıb.
Pekin ətrafında tək yaşayan 91 yaşlı Yan adlı qadın həyat yoldaşının ölümündən sonra depressiyaya düşüb. Qlaukoma xəstəliyi vəziyyəti daha da ağırlaşdırıb.
“Bəzən kimsə ilə danışmaq istəyəndə televizorla danışırdım”, - deyə qadın bildirib.
Tənhalıqdan əziyyət çəkən qadın hətta oğlundan evtanaziyaya icazə verməsini istəyib. Lakin pullu həmsöhbət xidmətini kəşf etdikdən sonra vəziyyəti dəyişib. Kirayə övladlar onu gündə iki dəfə ziyarət edir, yemək gətirir və ev işlərində kömək edirlər.
“Yanında sirlərini bölüşə biləcəyin birinin olması gözəldir. Tamamilə xoşbəxtəm”, - deyə o qeyd edib.
Layihənin müəllifi Van adlı şəxsdir. O, qayınatasının pis şəraitli qocalar evinə düşməsindən sonra bu ideyanı irəli sürüb:
“Biz özümüzü ictimai övladlar kimi qəbul edirik. Qocalar bizə öz övladları kimi, biz onlara valideynlərimiz kimi yanaşırıq”.