Azərbaycan Dillər Universitetində (ADU) 18 Oktyabr - Müstəqilliyin Bərpası Gününə həsr olunmuş “Dövlət müstəqilliyinin bərpası: tarixi-siyasi reallıqlar” mövzusunda tədbir keçirilib.
“Tehsil365”xəbər verir ki, tədbirdə əvvəlcə Azərbaycan Respublikasının Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan Beynəlxalq Münasibətlər və Regionşünaslıq fakültəsinin dekanı, professor İbrahim Kazımbəyli müstəqilliyin tarixi-siyasi əhəmiyyətindən danışıb, Ulu Öndər Heydər Əliyevin və Prezident İlham Əliyevin müstəqil dövlətçiliyimizin möhkəmlənməsindəki rolunu xüsusi vurğulayıb.
Sonra müstəqillik tariximizə dair videoçarx təqdim olunub.
Tədbirdə Beynəlxalq Münasibətlər kafedrasının müəllimi Aynur İsayeva, Şərq ölkələri üzrə Regionşünaslıq kafedrasının müəllimi Aysel Kərimova, Qafqazşünaslıq və Azərbaycan tarixi kafedrasının müəllimi Fidan Bayramova mövzu ətrafında çıxış ediblər.
Sonda ADU tələbələrinin ifasında “Azərbaycanım” adlı kompozisiya nümayiş olunub.