Azərbaycanda qeyri-dövlət ümumi təhsil müəssisələrinin 10–11-ci siniflərində oxuyan şagirdlərin sayı son bir tədris ilində nəzərəçarpacaq dərəcədə artıb.
“Tehsil365” Banker.az-a istinadən xəbər verir ki,saytının verdiyi məlumata görə, 2025/2026-cı tədris ilinin əvvəlində özəl məktəblərin 10–11-ci siniflərində 3 293 şagird təhsil alıb.
Əvvəlki tədris ilində bu göstərici 2 751 nəfər idi. Beləliklə, şagird sayı 542 nəfər və ya 19,7 faiz artıb.
Dövlət məktəblərinin eyni siniflərində isə 241 333 şagird qeydə alınıb. Bu, əvvəlki tədris ilindən 10 369 nəfər çoxdur.
Ümumilikdə dövlət və qeyri-dövlət məktəblərinin 10–11-ci siniflərində təhsil alanların sayı 233 715 nəfərdən 244 626 nəfərə yüksəlib.
Diqqətçəkən məqamlardan biri də özəl məktəblərin bu siniflərində oxuyan bütün şagirdlərin şəhər yerlərində qeydə alınmasıdır.
Göstəricilər özəl ümumi təhsil müəssisələrinin yuxarı siniflərində şagird sayının dövlət məktəbləri ilə müqayisədə daha sürətli artdığını göstərir.
Qeyd edək ki, bu məlumatlar yalnız 10–11-ci sinifləri əhatə edir və statistika sağlamlıq imkanları məhdud şagirdlər istisna olmaqla tərtib edilib.