“Azərbaycan Texniki Universiteti (AzTU) Özbəkistanın yeddi ali təhsil müəssisəsi ilə əməkdaşlıq sənədləri imzalayıb”.
“Tehsil365” AZƏRTAC-a istinadən xəbər verir ki, sənədlər oktyabrın 16-da Xankəndi şəhərində keçirilən Azərbaycan–Özbəkistan ali təhsil müəssisələrinin II Rektorlar Forumu çərçivəsində imzalanıb.
Əməkdaşlıq sənədləri Özbəkistanın Milli Universiteti, Termez Dövlət Mühəndislik və Aqrotexnologiyalar Universiteti, Beynəlxalq Türk Dövlətləri Universiteti, Cizzax Politexnik İnstitutu, Səmərqənd Dövlət Universiteti, Daşkənd Dövlət Nəqliyyat Universiteti və Fərqanə Dövlət Universiteti ilə imzalanıb.
Razılaşmalar təhsil, elmi tədqiqat və akademik mübadilə sahələrində əlaqələrin genişləndirilməsini nəzərdə tutur. Əməkdaşlıq çərçivəsində mühəndislik, nəqliyyat, energetika və informasiya texnologiyaları istiqamətlərinə xüsusi diqqət yetiriləcək.