“Azərbaycanın zəngin quş müxtəlifliyi və təbiət turizmi imkanları beynəlxalq sənədli film seriyasında işıqlandırılıb”.
“Tehsil365” Dövlət Turizm Agentliyinə istinadən xəbər verir ki, Azərbaycanın təbiət irsi “BirdLife International” və “Content With Purpose” təşkilatlarının hazırladığı “Global Flyways” beynəlxalq sənədli film seriyasının iki bölümündə təqdim olunub.
Beş qitədə 35 çəkiliş məkanını əhatə edən layihə köçəri quşların miqrasiya marşrutlarını və onların qorunması istiqamətində görülən işləri əks etdirir.
Azərbaycanla bağlı bölümlərdə Beşbarmaq dağı, Şirvan Milli Parkı və Qızılağac Milli Parkı kimi ərazilər nümayiş etdirilib. Bu məkanlar ölkənin müxtəlif quş növləri və quş müşahidəsi üçün əlverişli imkanları ilə seçilir.
Sənədli filmdə təbiət əsaslı turizmin ətraf mühitin qorunmasında rolu da diqqətə çatdırılıb. Layihənin Azərbaycanın təbii sərvətlərinin beynəlxalq auditoriyaya tanıdılmasına töhfə verməsi nəzərdə tutulur.