“Yaponiyalı mütəxəssislərlə birgə aparılan Bakının seysmik qiymətləndirilməsi üzrə işlərin 2027-ci ilin fevralında yekunlaşması gözlənilir”.
“Tehsil365” xəbər verir ki, bu barədə AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli “Azərbaycanda seysmologiya elminin inkişafı: proqnozlaşdırmadan akademik tədqiqatlaradək” mövzusunda keçirilən konfransda məlumat verib.
Onun sözlərinə görə, layihə çərçivəsində binaların yerləşdiyi ərazilər haqqında məlumat bazası yaradılır. Bu baza vasitəsilə həmin ərazilərin geoloji və seysmik xüsusiyyətləri barədə məlumat əldə etmək mümkün olacaq.
Qurban Yetirmişli bildirib ki, layihə Fövqəladə Hallar Nazirliyinin sifarişi əsasında həyata keçirilir və işlərin 2027-ci ilin fevralında başa çatdırılması nəzərdə tutulur.
Layihənin nəticələri Bakıda şəhərsalma və infrastrukturla bağlı seysmik xüsusiyyətlərin daha ətraflı öyrənilməsinə imkan verəcək.