Türkmənistan Xarici İşlər Nazirliyinin Beynəlxalq Münasibətlər İnstitutunda Türkmənistan Prezidenti Sərdar Berdiməhəmmədovun “Türkmənistanın bitərəfliyi – sülhün və etimadın işıqlı yoludur” adlı kitabının Azərbaycan dilinə tərcümə edilmiş nəşrinin təqdimat mərasimi keçirilib.
“Tehsil365” AZƏRTAC-a istinadən xəbər verir ki, tədbirdə çıxış edən səfir Qismət Gözəlov kitabın Azərbaycan dilində nəşrinin Türkmənistanın daimi tərəfsizlik siyasətinin mahiyyəti və beynəlxalq əhəmiyyətini Azərbaycan oxucularına çatdırılmasında əhəmiyyətli addım olduğunu vurğulayıb.
Azərbaycanın Türkmənistanın daimi tərəfsizlik siyasətinə hörmətlə yanaşdığını bildirən Qismət Gözəlov ölkəmizin Türkmənistanın BMT çərçivəsində irəli sürdüyü sülh və əməkdaşlıqyönümlü təşəbbüsləri dəstəklədiyini qeyd edib. Bu xüsusda Azərbaycanın Türkmənistanın BMT tərəfindən tanınan daimi tərəfsizlik siyasətinə böyük hörmətlə yanaşdığını və 1995-2026-cı illərdə qəbul edilən qətnamələrə həmmüəllif qismində qoşulduğu bildirilib. Eyni zamanda, Azərbaycanın 2026-cı ildə Türkmənistanın əsas müəllifliyi ilə irəli sürülən “Beynəlxalq sülhün, təhlükəsizliyin və dayanıqlı inkişafın qorunmasında və gücləndirilməsində tərəfsizlik siyasətinin rolu və əhəmiyyəti” adlı qətnaməyə həmmüəllif qismində qoşulmasının əhəmiyyəti vurğulanıb.