Respublika Gözdən Əlillər Kitabxanasının iştirakı ilə XII Beynəlxalq Kitab Sərgisi çərçivəsində yazıçı və tərcüməçi Giya Paçxataşvili ilə görüş təşkil olunacaq.
“Tehsil365” xəbər verir ki, görüş 25 oktyabr saat 13:00-da Bakı Ekspo Mərkəzinin Nizami Gəncəvi zonasında baş tutacaq.
Ədəbi ünsiyyətin, mütaliə mədəniyyətinin və mədəniyyətlərarası dialoqun təşviqinə töhfə verəcək görüşdə iştirakçılar yazıçı və tərcüməçinin yaradıcılığı ilə daha yaxından tanış olmaq, ədəbiyyatın müxtəlif istiqamətləri ətrafında fikir mübadiləsi aparmaq imkanı əldə edəcəklər.
XII Beynəlxalq Kitab Sərgisi çərçivəsində keçirilən bu cür görüşlər müəlliflərlə oxucular arasında əlaqələrin möhkəmləndirilməsi, kitaba və mütaliəyə marağın artırılması baxımından mühüm əhəmiyyət daşıyır.
Respublika Gözdən Əlillər Kitabxanası kitabın, mütaliənin və ədəbi irsin təbliği, eləcə də görmə məhdudiyyətli şəxslərin informasiya və mədəniyyətə əlçatanlığının genişləndirilməsi istiqamətində fəaliyyətini davam etdirir.
Tarix: 25 oktyabr 2026-cı il
Saat: 13:00
Məkan: Bakı Ekspo Mərkəzi, Nizami Gəncəvi zonası