2026-cı ilin yanvar–sentyabr aylarında Azərbaycanın informasiya və rabitə sektoruna 376 milyon 500 min manat investisiya yönəldilib.
“Tehsil365” “ Modern.az” a istinadən xəbər verir ki, hesabat dövründə sektorun gəlirləri real ifadədə 11,1 faiz artaraq 3 milyard 257 milyon 100 min manat təşkil edib.
İnformasiya və rabitə sektorunun ümumi daxili məhsulda (ÜDM) payı 2 faiz, qeyri-neft-qaz ÜDM-də payı isə 2,9 faiz olub.
Nəqliyyat və anbar təsərrüfatı sektorunda da artım qeydə alınıb. Bu sahədə yaradılan əlavə dəyər ötən ilin eyni dövrü ilə müqayisədə real ifadədə 10 faiz artaraq 7 milyard 596 milyon manata çatıb. Sektorun ÜDM-də payı 7,4 faiz, qeyri-neft-qaz ÜDM-də payı isə 10,6 faiz təşkil edib.
Doqquz ay ərzində nəqliyyat və anbar təsərrüfatı sektorunda məhsul buraxılışının həcmi real ifadədə 10 faiz artaraq 12 milyard 816 milyon 600 min manat olub.
Bu sektora yatırılan investisiyalar isə real ifadədə 9,7 faiz artaraq 3 milyard 208 milyon 800 min manata yüksəlib.