23 oktyabr 2026-cı il tarixində Azərbaycan Respublikasının Prezidenti yanında Dövlət İdarəçilik Akademiyası Tələbə Gənclər Təşkilatının təşkilatçılığı ilə 2026-cı il 27–29 oktyabr tarixlərində Bakı şəhərində keçiriləcək VII Ümumdünya Mədəniyyətlərarası Dialoq Forumu ilə bağlı məlumat sessiyası keçirilib.
“Tehsil365” xəbər verir ki, sessiya çərçivəsində Forumun məqsədi, əhəmiyyəti və əsas istiqamətləri barədə məlumat verilib. Mədəniyyətlərarası dialoqun təşviqi, müxtəlif mədəniyyətlər və xalqlar arasında qarşılıqlı anlaşmanın gücləndirilməsi, tolerantlıq və multikultural dəyərlərin təşviqi, eləcə də gənclərin bu prosesdə rolunun əhəmiyyəti qeyd olunub.
Tədbirin əsas məqsədi tələbələrin Forum haqqında məlumatlılığını artırmaq, onların mədəniyyətlərarası dialoq və qlobal əməkdaşlıq məsələlərinə marağını gücləndirmək olub.