“Azərbaycanda şagirdlərin elektron yerdəyişməsi prosesinin növbəti mərhələsinin başlanma tarixləri açıqlanıb”.
“Tehsil365” xəbər verir ki, Elm və Təhsil Nazirliyinin məlumatına əsasən, noyabrın 4-də saat 15:00-dan etibarən 2–7-ci siniflər, noyabrın 5-də saat 15:00-dan etibarən isə 8–11-ci siniflər üzrə elektron yerdəyişmə prosesi aktivləşdiriləcək.
Şagirdlərin yerdəyişməsi www.sy.edu.az portalı vasitəsilə həyata keçiriləcək.
İnternetə çıxış imkanı olmayan vətəndaşlar bu proseslə bağlı Məktəbəqədər və Ümumi Təhsil üzrə Dövlət Agentliyinə, təhsilin yerli idarəetmə bölmələrinə, Agentliyin Vətəndaşlara Xidmət Mərkəzinə və ASAN xidmət mərkəzlərinə müraciət edə bilərlər.
Məktəbəhazırlıq qrupları və birinci siniflər üzrə elektron yerdəyişmənin başlanma tarixi barədə əlavə məlumat veriləcəyi bildirilib.