Azərbaycanın kənd təsərrüfatı naziri Məcnun Məmmədov Azərbaycan Dövlət Neft və Sənaye Universitetində (ADNSU) yerləşən Bərpaolunan Enerji Mərkəzi və laboratoriya ilə tanış olub.
“Tehsil365” xəbər verir ki, səfər zamanı nazirə bərpaolunan enerji üzrə ikili diplom magistr proqramında təhsil alan tələbələrin praktiki və texniki bacarıqlarının inkişafı üçün yaradılan imkanlar barədə məlumat verilib.
Proqramın direktoru Mahmud İsmayılov laboratoriyanın avadanlıqları və onların tədris prosesində istifadəsi haqqında məlumat təqdim edib.
Səfər çərçivəsində Məcnun Məmmədov universitetin Biznes Məktəbində MBA proqramı üzrə təhsil alan tələbələrlə də görüşüb.