2026–2027-ci tədris ilinin birinci semestri üzrə Albert Aqarunov adına təqaüdün qalibləri müəyyənləşib.
“Tehsil365” xəbər verir ki, təqaüd proqramı çərçivəsində İsrailşünaslıq ixtisasının II və III kurs tələbələri arasında ibri dili və ümumi dünyagörüşü üzrə imtahan keçirilib. İmtahanın nəticələrinə əsasən, 273-cü qrupun tələbəsi İsmayılzadə Yasəmən və 274-cü qrupun tələbəsi Abdullayeva Nülufər ən yüksək bal toplayaraq təqaüdün qalibləri seçiliblər.
Qeyd edək ki, artıq iki ildir İsrailşünaslıq ixtisası üzrə təhsil alan tələbələr Albert Aqarunov adına təqaüddən yararlanmaq imkanı əldə edirlər. ADU-nun rektoru, akademik Kamal Abdulla və Bakı şəhəri Dağ Yəhudiləri Dini İcmasının sədri Milix Yevdayev tərəfindən irəli sürülən bu təşəbbüs tələbələrin ibri dili biliklərinin inkişafına, dünyagörüşlərinin genişlənməsinə və akademik nailiyyətlərinin təşviqinə xidmət edir.