Azərbaycanlı Tələbə Harvard Universitetinde keçirilən beynəlxalq esse müsabiqəsinin qalibləri sırasında yer alıb.
“Təhsil365” xəbər verir ki, ADA Universitetinin Beynəlxalq münasibətlər ixtisası üzrə bakalavr proqramının III kurs tələbəsi Ayla Əhmədova Harvard Universitetində keçirilən 2026-cı il Almaniya–Amerika Konfransı çərçivəsində təşkil olunan beynəlxalq esse müsabiqəsinin qalibləri sırasında yer alıb.
Müsabiqədə əldə etdiyi uğurla yanaşı, Əhmədova konfrans çərçivəsində çıxış da edib. Beləliklə, tələbə öz akademik fəaliyyətini beynəlxalq platformada təqdim etmək və fikirlərini konfrans iştirakçıları ilə bölüşmək imkanı əldə edib.
Ayla Əhmədovanın bu nailiyyəti gənclərin beynəlxalq akademik platformalarda iştirakının və elmi fəaliyyətinin təşviqi baxımından diqqətəlayiq hadisədir.