BSU rəhbərliyi, əməkdaşları və tələbələri üçün “44” filminin xüsusi nümayişi təşkil olunub
Noyabrın 2-də Zəfər həftəsi çərçivəsində Bakı Slavyan Universitetinin (BSU) rəhbərliyi, əməkdaşları və tələbələri “44” bədii filminin nümayişində iştirak ediblər.
44 günlük Vətən müharibəsində Azərbaycan xalqının birliyini, Azərbaycan Ordusunun qəhrəmanlığını və hərbçilərimizin Vətən uğrunda göstərdiyi fədakarlığı əks etdirən film tamaşaçılara tarixi Zəfərimizin qazanılmasında mühüm rol oynayan qəhrəmanlıq salnaməsini təqdim edir.
Filmin nümayişində iştirakın əsas məqsədi Zəfər tariximizin gənc nəslə daha yaxından tanıdılması, tələbələrdə vətənpərvərlik ruhunun gücləndirilməsi, milli-mənəvi dəyərlərin və tarixi yaddaşın qorunmasına töhfə verməkdir.
Qeyd edək ki, Zəfər həftəsi çərçivəsində keçirilən bu kimi tədbirlər Vətən müharibəsinin tarixi əhəmiyyətinin təbliği, şəhidlərimizin xatirəsinin ehtiramla yad edilməsi və qəhrəmanlıq ənənələrinin gələcək nəsillərə ötürülməsi baxımından xüsusi əhəmiyyət daşıyır.
