Həm yazıçı, həm də Azərbaycan dili və ədəbiyyat müəllimi olan Simuzər Paşayeva “Ana” və “Hicran” adlı şeirlərini bizimlə bölüşüb.
Tehsil366 xəbər portalı həmin şeirləri təqdim edir.
“Ana”
Ömrünə ömrümü qurban verərəm,
Gülən gözlərinə heyranam, Ana
Dediyin hər sözə ay can deyərəm,
Bütün sözlərinə qurbanam, Ana.
Həyat hekayəmin əsası sənsən,
Gözəl baxışına vurğunam, Ana.
Dəyərli anların mənası sənsən,
Sənli günlərimə qurbanam, Ana.
“Hicran”
Sevirəm sözünü deməyəydin kaş
Sevən sevdiyinə bunu edərmi?
Bütün xəyalların əlindən alıb
Cəhənnəm oduna atıb gedərmi?
Arzular, istəklər puç olub daha
İnanma o güvən qayıda geri
Haqsız incidərək atdığın qadın
Bağışla, desən də qəbul edərmi?
Onun saçlarına ağ düşüb inan
Gülən gözlərində kədər izi var
Qəm-qüssə içində boğulan insan
Taleyə uduzub qəhrini udar