Gənclər üçün yeni peşəkar inkişaf fürsəti yaradılıb. "TeleDOST" altproqramı çərçivəsində DOST TV-də könüllülük fəaliyyəti həyata keçiriləcək. Bu proqram jurnalistika, teleaparıcılıq, rejissorluq, operatorluq və montaj sənəti kimi sahələrdə təcrübə toplamaq istəyənlər üçün unikal imkan yaradır.
"Tehsil365" xəbər verir ki, proqram iştirakçıları ictimaiyyətlə effektiv əlaqələrin qurulması, televiziya işinin təşkili, xəbər istehsalı, videoreportajların hazırlanması, videomontaj və foto sənəti kimi bacarıqlara yiyələnə biləcəklər.
Bu fürsətdən jurnalistika, filologiya, sənətşünaslıq, aktyor sənəti, radiotexnika və telekommunikasiya sahələrində ali və orta ixtisas təhsili alan gənclər yararlana bilərlər.
Proqrama qoşulmaq istəyənlər aşağıdakı link vasitəsilə qeydiyyatdan keçə bilərlər:
Qeydiyyat linki