Gənclərin İnkişaf və Karyera Mərkəzinin baş ofisində baş tutacaq "IV İnkişaf və Təcrübə Akademiyası" təcrübə proqramına qeydiyyat açıq elan edilib.
“Tehsil365” xəbər verir ki, təcrübə proqramı çərçivəsində gənclər aşağıdakı istiqamətlər üzrə bilik və bacarıqlarını inkişaf etdirə biləcəklər:
Layihələrin və tədbirlərin idarəedilməsi
Gənclər sahəsində iş
Sosial media marketinq
Kimlər müraciət edə bilər?
18-25 yaş arası gənclər, ilkin kompüter biliklərinə sahib, öyrənməyə açıq, məsuliyyətli və təşəbbüskar şəxslər proqramda iştirak edə bilərlər. Ümumilikdə həftə ərzində 8-10 saat fəaliyyət nəzərdə tutulur.
Proqram iştirakçılarına nə vəd edilir?
✔️ Qeyd olunan sahələr üzrə təcrübə imkanı
✔️ Şəxsi inkişaf seminarları və təlimlərdə iştirak hüququ
✔️ Real iş mühitində təcrübə
✔️ Ofis proqramları ilə işləmə bacarıqları
✔️ Proqramı uğurla tamamlayanlara sertifikat
Müraciət üçün son tarix: 16 fevral, saat 23:59
Müraciət etmək üçün link: Buraya klikləyin
Qeyd edək ki, təcrübə proqramı ödənişsizdir.
Bu fürsəti qaçırmayın və real iş mühitində dəyərli təcrübə qazanın!