İrlandiya Məlumatların Qorunması Komissiyası TikTok-u Aİ-dən Çinə məlumat ötürdüyünə görə 500 milyon avro cərimə edəcək.
“Tehsil365” xəbər verir ki, bu barədə “Bloomberg” yazır.
Cəriməni sosial şəbəkənin sahibi olan Çinin “ByteDance” şirkəti ödəməli olacaq. Mənbənin sözlərinə görə, cərimənin tətbiqi ilə bağlı qərar aprelin sonunadək veriləcək.
Bildirilir ki, TikTok bundan əvvəl də yetkinlik yaşına çatmayanların şəxsi məlumatlarının emalı ilə bağlı iddia edilən pozuntulara görə tənzimləyici tərəfindən 345 milyon avro məbləğində cərimələnib.
Qeyd edək ki, İrlandiya Məlumatların Mühafizəsi Komissiyası “Apple”, “Google”, TikTok və digər rəqəmsal nəhənglərin işini Aİ qanunvericiliyinə uyğunluğuna nəzarət edir.