Qazax-Tovuz Regional Təhsil İdarəsinin tabeliyində fəaliyyət göstərən ümumi təhsil müəssisələrinin 247 məzunu 2024–2025-ci tədris ilində tam orta təhsil səviyyəsini fərqlənmə attestatı ilə başa vurub.
“Tehsil365 “xəbər verir ki, bu göstərici region üzrə yüksək nəticə göstərən şagirdlərin sayının artdığını və təhsildə keyfiyyətə verilən önəmi əks etdirir.
Qeyd edək ki, tam orta təhsil haqqında fərqlənmə attestatı, yalnız təhsil müddətində bütün fənlər üzrə illik qiymətləri “əla” olan və buraxılış imtahanlarında hər bir fəndən minimum 75 bal toplayan məzunlara təqdim olunur.
Fərqlənmə attestatının verilməsi sinif rəhbərinin təqdimatı əsasında məktəbin Pedaqoji Şurasında müzakirə edilir və müvafiq qərar qəbul edildikdən sonra rəsmiləşdirilir.
Yüksək nəticə göstərərək fərqlənmə attestatına layiq görülən məzunlar həm pedaqoji heyətin əməyini, həm də şagirdlərin tədrisə məsuliyyətli yanaşmasını nümayiş etdirir.
