Azərbaycan Respublikası Mədəniyyət Nazirliyinin tabeliyində fəaliyyət göstərən uşaq musiqi, incəsənət məktəbləri və mərkəzlərinə direktor və direktor müavinlərinin işə qəbulu ilə bağlı keçirilən müsabiqənin yekun nəticələri açıqlanıb.
Nazirlikdən "Tehsil365"ə verilən məlumata görə, test mərhələsində keçid balını toplayan namizədlərdən 42 nəfər növbəti mərhələ olan müsahibəyə qatılıb və onlardan 20-si uğurlu nəticə göstərərək müxtəlif vəzifələrə qəbul olunub.
Namizədlər müsabiqənin nəticələri ilə “MyCulture” adlı vahid şəxsi kabinet platforması vasitəsilə tanış ola bilərlər.
Müsabiqənin qaydalarına əsasən, uğur qazanan şəxslər 5 iş günü ərzində “MyCulture” platforması üzərindən vakansiya seçimini həyata keçirməlidirlər.
Xatırladaq ki, qalib gələn namizədlər ən azı 5, ən çox isə 20 vakansiya seçmək hüququna malikdirlər.