9-cu siniflərin imtahan nəticəsinin məlum olması, həmçinin tədris ilinin yekunlaşmasından sonra şagirdlər orta ixtisas təhsili müəssisələrinə qəbul olmaq üçün müsabiqənin başlamasını gözləyirlər. Onları maraqlandıran məsələ isə 9 illik orta təhsil bazasından kollec ballarında dəyişikliyin olub-olmayacağıdır.
Bəs mütəxəssislərin proqnozları nə yerdədir?
9-cu sinifdən kollec ballarının artması gözlənilir?
Təhsil eksperti Elçin Əfəndi Bizim.Media-ya açıqlamasında bildirib ki, bu il 9 illik təhsil bazasında kolleclərin balının artması gözlənilir:
Ekspert qeyd edib ki, bu il 9 illik kolleclərə qəbul üçün 30000 müraciət qeydə alınıb, ancaq 8000 nəfər üçün yer ayrılıb. Çünki 3000-ə yaxın plan yeri azadlılıb:
“Eyni zamanda, imtahandan yüksək bal toplayan şagirdlərin sayı da çox olduğuna görə keçid ballarında artım gözlənilir. Keçid balları minimum 20-25, hətta 50 bala qədər arta bilər. Xüsusilə rus bölməsində keçid balları artacaq. Çünki rus bölməsində plan yeri azdır, Azərbaycan bölməsində isə plan yeri müqayisədə çox olsa da, hər ikisində də artım olacaq”, - deyə Elçin Əfəndi qeyd edib.