“TikTok”un taleyi: ABŞ-a satış xəbərləri yalan çıxdı
Çinin "ByteDance" texnologiya nəhəngi "TikTok" platformasının nəzarət paketini "Oracle" korporasiyasının başçılıq etdiyi ABŞ şirkətləri konsorsiumuna satmaq niyyətində olmadığını bəyan edib.
“Tehsil365” xəbər verir ki, bu barədə "Keçuanban jibao" nəşri məlumat yayıb.
"TikTok"un ABŞ-dəki biznesinin "Oracle"ın rəhbərlik etdiyi şirkətlər qrupuna satılması və "ByteDance"ın azlıq payını saxlaması ilə bağlı yayılan məlumatlar həqiqəti əks etdirmir. Oxşar şayiələr aprel ayında da yayılmışdı və "ByteDance" rəsmi şəkildə bu məlumatları təkzib etmişdi", - deyə şirkətdən bildirilib.
Bundan əvvəl mediada "Oracle"ın da daxil olduğu investorlar qrupunun "TikTok"un alınması ilə bağlı razılaşmaya çox yaxın olduğunu yazılmışdı.
ABŞ Prezidenti Donald Tramp isə iyunun 29-da bəyan etmişdi ki, çox varlı şəxslərdən ibarət bir qrup "TikTok"u "ByteDance"dan almağa hazırdır. Tramp həmin vaxt demişdi ki, bu alıcıların adlarını təxminən iki həftəyə açıqlayacaq.