Alimlərin fikrincə, yeni dil öyrənmək üçün ən ideal yaş aralığı 0-7 yaşdır.
“Tehsil365” xəbər verir ki, digər yaşlarda dil öyrənməyin mümkün və ya uğurlu olmayacağı anlamına gəlmir. Əksinə, istək, davamlılıq və düzgün metodlarla istənilən yaşda yeni dil öyrənmək mümkündür.
Aşağıda xarici dili, xüsusilə də ingilis dilini öyrənmək üçün özüməməxsus və praktik üsulları sizlərlə bölüşürəm:
1. Filmləri Orijinal Dildə İzləyin
Dil öyrənməyin ən əyləncəli və təsirli yollarından biri filmlər izləməkdir. Əgər yeni başlayırsınızsa, Azərbaycan və ya Türk altyazılı filmlərlə başlaya bilərsiniz. Tövsiyə: Yeni başlayanlar üçün "Friends" serialı ideal seçimdir – gündəlik danışıq dili, sadə cümlələr və aydın tələffüz!
2. Cizgi Filmlərinə Üstünlük Verin
Uşaq auditoriyası üçün hazırlandığı üçün çizgi filmlərdə dil daha sadə, aydın və təmiz tələffüzlə təqdim olunur. Bu, yeni öyrənənlər üçün anlayışı asanlaşdırır. Həm də əyləncəli olur!
3. Gündəlik Sözlər Öyrənin
Hər gün özünüzə 5-10 yeni söz hədəfi qoyun. Bu sözləri gündəlik həyatınızla əlaqələndirməyə çalışın. Bu üsul yaddaşda qalmağı asanlaşdırır.
4. Bilmədiklərinizi Qeyd Edin
Film izləyərkən və ya oxuyarkən anlamadığınız söz və ifadələri qeyd edin. Onları təkrar-təkrar yoxlayın, cümlədə necə istifadə olunduğunu müşahidə edin.
5. Cümlələri Yüksək Səslə Təkrar Edin
Filmlərdə eşitdiyiniz cümlələri təkrar edin, sanki siz danışırsınız. Bu, tələffüzünüzü yaxşılaşdıracaq və danışıqda sərbəstlik qazandıracaq.
Unutmayın ki, əsas yaş məhdudiyyət deyil. Əsas olan davamlılıq, motivasiya və düzgün strategiyadır. Siz də bu üsulları tətbiq etməklə öz dil bacarıqlarınızı inkişaf etdirə bilərsiniz!