“Apple”ın gələn il təqdim ediləcək “iPhone 18 Pro Max” modeli indiyə qədərki ən ağır “iPhone” kimi tarixə düşə bilər.
“Tehsil365” xarici mətbuata istinadən xəbər verir ki, “Apple”, “iPhone 17” seriyasındakı daha qalın modellərə olan güclü tələbatı nəzərə alaraq, gələn il üçün strategiyasını formalaşdırır.
Məlumata görə, “iPhone 18 Pro Max” sələflərindən daha qalın və daha ağır olacaq.
Yeni modelin 240 qramdan çox ağırlığa malik olacağı bildirilir. Əgər bu baş verərsə, cihaz 233 qramlıq “iPhone 17 Pro Max” və 240 qramlıq “iPhone 14 Pro Max”ı geridə qoyacaq.
Çəki və qalınlıqdakı bu artımın “Appl”ın daha böyük batareya istifadə etmək planı ilə əlaqəli olduğu qeyd edilir.
İncə “Air” modelinin gözlənilən satış uğurunu əldə edə bilməməsindən sonra, şirkət daha çox istifadəçilərin batareyanın gücünə diqqət yetirdiyini bildirib.
Pro Max modelinin çəkilərini təqdim edirik:
“iPhone XS Max”: 208 qram;
“iPhone 11 Pro Max”: 226 qram;
“iPhone 12 Pro Max”: 228 qram;
“iPhone 13 Pro Max”: 238 qram;
“iPhone 14 Pro Max”: 240 qram;
“iPhone 15 Pro Max”: 221 qram;
“iPhone 16 Pro Max”: 227 qram
“iPhone 17 Pro Max”: 233 qram;
“iPhone 18 Pro Max”: ~243 qram.