Globalinfo.az xəbər saytının fəaliyyətə başlamasından üç il ötür.
“Tehsil365” xəbər verir ki,saytın təsisçisi və baş direktoru Azər Ayxan deyib ki:İlk gündən məqsədləri ciddi bir informasiya resursu və peşəkar media subyekti yaratmaq olub.
“Üç il öncə Globalinfo.az xəbər saytını elan etdik. Qarşımıza məqsəd qoymuşduq ki, bazara ciddi bir obrazla daxil olaq. Buna görə də layihənin elan olunması xeyli zaman aldı. Mən həmin ilin iyun ayında domeni aldım və saytın dizaynına başladım, lakin saytı üç ay sonra ictimaiyyətə təqdim etdik. Əgər bir informasiya portalı yaradırsansa, çalışmalısan ki, o, ciddi bir nəticə kimi ortaya çıxsın. Oxucu ilə uzun müddət çalışan bir redaktor və klassik qəzetçi kimi, Azərbaycanda ciddi resursa ehtiyac olduğunu bilirdim. Çox şükürlər olsun ki, istəyimiz alındı və gözləntilərimiz öz nəticəsini verdi. Azərbaycanda kifayət qədər ciddi oxucu kütləsi var. Globalinfo.az xəbər saytının nə dərəcədə uğurlu olduğu, nə qədər alındığına isə zaman qərar verəcək. Bu barədə oxucular və media peşəkarları danışa bilər”, - Azər Ayxan qeyd edib.
"Globalinfo.az" kollektivi qısa müddət ərzində istinad mənbəyinə çevrilməyi bacardı
Onun sözlərinə görə, bazarda kifayət qədər ciddi və oxunaqlı resurslar mövcuddur, rəqabət isə son dərəcə amansızdır.
“Yeni bir saytın öz yerini tutmasının necə çətin olduğunu hər birimiz anlayırıq. Xəbərin kosmik sürətlə yayıldığı bu mühitdə sayt yaradıb, onu oxunaqlı etmək, üstəlik istinad mənbəyinə çevirmək olduqca çətin prosesdir. Çox şükürlər olsun ki, Globalinfo.az kollektivi bunu qısa müddətdə və minimal heyətlə bacardı. Burada yalnız öz bacarığımı, təcrübəmi önə çəkmirəm. Globalinfo.az saytının bu gün uğur qazanmasının başlıca səbəbi məhz kollektivdir. Saytın fədakar, gənc olmasına baxmayaraq, kifayət qədər mürəkkəb kriteriyalara cavab verən komandasının rolu danılmazdır”, - baş direktor vurğulayıb.
“Tehsil365” olaraq “Globalinfo”nu təbrik edir, fəaliyyətində uğurlar arzulayırıq.